साउन २८, विराटनगर । प्रदेश–१ का मुख्यमन्त्री शेरधन राईले भएका विकास निर्माणका कामहरुको बस्तुगत र ठोस ढंगले अनुगमन गरिने बताएका छन् ।
मुख्यमन्त्री तथा मन्त्रिपरिषदको कार्यालयमा मंगलबार आयोजित आर्थिक बर्ष २०७५÷७६ को मन्त्रालयगत समिक्षा तथा आर्थिक बर्ष २०७६÷७७को बजेट कार्यान्वयन योजनाको प्रस्तुती कार्यक्रमलाई सम्बोधन गर्दे उनले यस्तो बताएका हुन् ।
मुख्यमन्त्री राईले भइसकेका तथा अब हुने निर्माण कार्यहरुको नागरिकहरुले विल्कुलै नयां आंखाबाट निगरानी गरिरहेको बताउदै सम्बन्धित सबै जिम्मेबार हुनुपर्ने बताए ।
उनले प्रगति विवरण मात्र पेश गरेर ढुक्कसंग बस्ने दिन अब नरहेको बताउदै भएका र अब हुने सबै निर्माण कार्यको जुनसुकै तहबाट पनि बस्तुगत र ठोस अनुगमन गरिने प्रष्ट पारे ।
मुुख्यमन्त्री राईले कागजमा मात्र समिक्षा रिपोर्ट र प्रगति विवरण लेखेर उम्कन नमिल्ने बताउदै प्रगति विवरण पेश गर्दा जवाफदेहिता सहित पेश गर्नुपर्ने निर्देशन दिए ।
मुख्यमन्त्री राईले संबिधानसभाबाट संबिधानजारी भएपछि संबिधानको जगमा उभिएर संघीय प्रणाली अन्र्तगत पहिलो पटक आएको जननिर्वाचित सरकारले गरिरहेको कामप्रति सबैको चासो रहेको बताउदै सजग हुन उनले आग्रह गरे । उनले गएको बर्ष हासिल भएको ५८ प्रतिशतको उपलब्धिलाई फिल्डमा पुगेर अनुगमन र जांचगरिने प्रष्ट पारे ।
