विराटनगर,माघ २७
सर्वाेच्च अदालतका पूर्व प्रधानन्यायाधीश शुसिला कार्कीले स्वच्छ न्याय प्रणााली र भ्रष्टाचार विरुद्ध लड्दा आफूले महाअभियोगको मुद्दा खेप्नु परेको बताएकी छिन् । विंराटनगरमा आजदेखी सुरुभएको संघियतामा लैङ्गिक उत्तदारयि सार्वजनिक सेवा सम्मेलनलाई सम्वोधन गर्दै कार्कीले यस्तो बताएकी हुन् ।
पहिलो पटक मोरङ्ग जिल्ला समन्वय समिति, नारी विकास संघ र एक्सनएड ईन्टरनेशनल नेपालद्धारा शनीवारदेखि बिराटनगरमा शुरु भएको स्थानीय तहका उपाध्यक्ष तथा उपमेयरहरु उपस्थीत कार्यक्रममा पूर्वप्रधानन्यायाधीश कार्कीले स्थानीय तहमा जनताले प्रत्यक्ष रुपमा अब न्याय प्राप्तिको अनुभूति गर्न पाउने समेत बताएकी छन् ।
पूर्व प्रधानन्यायाधीश कार्कीले स्थानीय निकाय अर्ध न्यायायिक निकायमा गएकोले मुद्दाको निरुपण र मेलमिलाप गर्दा सफा मनले निश्पक्ष रुपमा कार्य गर्न सुझाव दिईन् ।
कार्कीले स्थानीय तहमा न्यायिक समिति गठन भई त्यसको नेतृत्व महिलाले नै गर्ने भएकोले स्थानीय तहमा नै धेरै मुद्दा किनारा लाग्ने बताइन् ।
कार्यक्रममा राष्ट्रिय मानवअधिकार आयोगिका पूर्व आयुक्त सुशिल प्याकुरेलले तल्लो तहका जनताको न्यायको निरुपण गर्नु चुनौतीपुर्ण रहेको जानकारी दिँदै सजगताका साथ व्यवस्थित रुपमा गर्नु पर्नेमा जोड दिए ।
दुई दिनसम्म संचालन हुने गोष्ठीवाट प्राप्त सुझाव न्याय, कृृषि, शिक्षा, स्वास्थ्य क्षेत्रमा कार्य गर्न महिला तथा युवतीलाई सुरक्षित वनाउनका लागि आगामी दिन स्थानीय तह, प्रदेश र संघिय संसदवाट ए्ेन नियम कानून वनाउन सहजताको लागि कार्यक्रम आयोजना गरिएको आयोजकको दावी छ ।
कार्यक्रममा प्रदेश नं १,२ र ३ का ७० वटा स्थानीय तह महानगरपालिका, उपमहानगरपालिका, नगरपालिका, गाउँपालिकाका उपप्रमुख, स्थानीय महिला क्षेत्रमा कार्य गर्ने संघसंस्थाका प्रतिनिधि सहित एक सय ५० जनाको सहभागिता रहेको छ ।
