विराटनगर, फागुन ११
विराटनगर ३ स्थित इडेन नेशनल बोर्डिङ स्कुलले शोभायात्राको आयोजना गरेको छ । भोली विद्यालय परिसरमा आयोना हुने एकदिने महामेलाको पुर्व सन्ध्यामा शोभायात्रा निकालिएको हो ।
स्कुल परिसरबाट निकालिएको मेलाले बुद्धचोक,ठुलोमिल,कंचनवाडीचोक लगायत विभिन्न चोकको परिक्रमा गर्दै विद्यालय परिसरमा पुगेर समापन भएको थियो ।
मेलाको प्रचारप्रसार गर्न र संस्कृति झल्काउन शोभायात्रा निकालिएको विद्यालयले जनाएको छ । भोली आयोजना हुने महामेलामा विद्यार्थीको सिप प्रदर्शन गरिने स्कुलका प्रिन्सिपल चिन्तामणि बस्नेतले जानकारी दिनुभयो ।
महामेलामा लोप हुन लागेको बालन र लोक दोहोरी कार्यक्रम समेत प्रस्तुत गरिने उहांले जानकारी दिनुभयो । महामेलाले विद्यार्थी, अभिभावक र विद्यालयबीचको सम्बन्ध प्रगाढ हुने विश्वास लिइएको छ ।
