२७ असोज, काठमाडौं । गैरआवासीय नेपाली संघ (एनआरएनए) ले बालुवाटारस्थित ललिता निवासको विवादास्पद जग्गा अञ्जानमा खरिद भएको बताएको छ ।
नेपालको राज्य संयन्त्रलाई विश्वास गर्दा समस्या आएको सोमबार आयोजित पत्रकार सम्मेलनमा महासचिव बद्री केसीले बताए ।
‘संस्थाको नाममा जग्गा छ । ब्युरोक्रेसीबारे नजान्दा अहिले समस्या आएको हो’ उनले भने ‘राज्यबाट जनता ठगिएझैं हामी पनि ठगियौं ।’ उक्त जग्गा आफूहरुले पैसा तिरेर किनेको र लालपूर्जा संस्थाकै नाममा रहेको पनि जिकिर गरे ।
बालुवाटारमा व्यक्तिको नाममा गरेको सरकारी जग्गाको केही अंश एनआरएनएले किनेको थियो । सरकारी जग्गा भन्ने जान्दाजान्दै एनआरएनए नेतृत्व पनि उक्त घोटालामा सहभागी भएको भनी आलोचना भइरहेका बेला एनआरएनएले त्यस विषयमा जानकारी नभएको बताएको हो ।
महासचिव केसीलेल भने ‘मुद्दा प्रक्रियामा छ । लालपुर्जा हामीसंग छ । अहिलेसम्म हाम्रै हो ।’
