७ कार्तिक, एजेन्सी । बेलायतको एसेक्स सहरमा लरीभित्र भेटिएका ३९ जनाको शव चिनियाँ नागरिकको भएको अनुसन्धानले खुलाएको छ ।
ती शवहरू चिनियाँ नागरिकका भएको विभिन्न अन्तराष्ट्रिय सञ्चारमाध्यामले जनाएका छन् । ३९ मध्ये ३१ जना पुरूष र ८ जना महिलाको शव भएको एपीले जनाएको छ । ती मध्ये एक किशोरी पनि छिन् ।
बिहिबार उत्तरी आयरल्याण्डका अधिकारी र राष्ट्रिय अपराध एजेन्सीले तीनवटा घरमा रेड हानेका थिए । उनिहरूले कुनै समुह संलग्न हुन सक्ने आशंकामा खोजी गरेको बताएका छन् ।
बुधबार प्रहरीले एसेक्सस्थित पूर्वी एभिन्यू वाटरग्लेड औद्योगिक पार्कमा लरीबाट ३९ जनाको शव भेटाएको थियो । उक्त लरीका चालक २५ वर्षका मो रोविनसनलाई प्रहरीले पक्राउ गरी अनुसन्धान गरिरहेको छ ।
