१६ कात्तिक, एजेन्सी ।
भारतको राजधानी नयाँ दिल्लीमा पब्लिक हेल्थ इमर्जेन्सी घोषणा गरिएको छ।
दिल्लीमा बढ्दो प्रदूषणका कारण मुख्यमन्त्री अरविन्द केजरीवाल सरकारले इमर्जेन्सी घोषणा गरेको हो। यो घोषणासँगै नयाँ दिल्लीका सबै विद्यालयहरु बन्द गर्न गरिएको छ।
विद्यार्थीहरुलाई प्रदूषणबाट बचाउन दिल्लीमा ५० लाख मास्क वितरण गरिएको केजरीवालले बताएका छन्। हाललाई ६ नभेम्बरसम्मका लागि विद्यालय बन्द गरियने निर्णय गरिएको छ।
ट्वीट गर्दै केजरीवालले छिमेकी राज्यमा धानवाली बालिँदा दिल्ली ग्यास चेम्बरमा रुपान्तरित भएको बताएका छन्। भारत भ्रमणमा रहेकी जर्मन चान्सलर एनजेला मर्केलले समेत दिल्लीमा बढेको प्रदूषणका बारेमा बोलेकी छिन्।
उनले दिल्लीमा बढेको प्रदूषणबाट इन्धनबाट चल्ने सवारी साधनको प्रयोग घटाउँदै विद्युतीय सवारी साधनको प्रयोग गर्नुपर्ने अवस्था आएको बताएकी छिन्।
