२२ कार्तिक, काठमाडौं । मेरिलेबोन क्रिकेट क्लब (एमसीसी) ले प्रस्तुत गरेको ३ सय ९३ रनको लक्ष्य पछ्याएको नेपालले राम्रो सुरुवात गरेको छ । लन्च ब्रेक अघि नेपाल ९ ओभरमा १ विकेट गुमाउँदै ५१ रन जोडेको छ ।
नेपालका ओपनर तथा विकेटकीपर राजु रिजाल ५ चौका सहित ३१ रनमा अविजित छन् । उनलाई शरद भेषवकरले ३ चौका सहित १४ रनमा साथ दिएका छन् । पहिलो इनिङमा डक आउट भएका कप्तान ज्ञानेन्द्र मल्ल दोस्रो इनिङमा ६ रनमा एलबी डब्लू आउट भए ।
सम्रगमा नेपाल अझैं ३ सय ४२ रनले पछि छ । पहिलो इनिङमा एमसीसी ३ सय ६४ रनमा अल आउट भएको थियो । नेपाल १ सय ५३ रनमा अल आउट हुँदै २ सय ११ रनले पछि परेको थियो । दोस्रो इनिङमा एमसीसीले १ सय ८१ रनमा ६ विकेट गुमाउँदै इनिङ समाप्तीको घोषणा गरेको थियो ।
