कार्तिक २६, सुनसरी । सुनसरीको कोशी गाउँपालिका ४ मा मंगलबार बिहान भएको सवारी दुर्घटनामा परी १ जनाको मृत्यु भएको छ भने १ जना घाईते भएका छन् ।
बिहान साँढे ९ बजेको पश्चिमबाट पूर्व तर्फ जाँदै गरेको स १ झ २६८ नम्बरको गाडीले बिपरीत दिशाबाट आउँदै गरेको को ३० प ५३०१ नम्बरको मोटरसाईकललाई ठक्कर दिंदा घाईते भएका मोटरसाईकलको पछाडी सवार पृथ्वीनगर नगरपालिका ४ का २९ बर्षीय दिपेश मुखिया सुनुवारको जिल्ला अस्पताल ईनरुवामा उपचारको क्रममा मृत्यु भएको हो ।
दुर्घटनामा घाईते भएका मोटरसाईकल चालक दमक नगरपालिका १० का ३० बर्षीय योगेसकुमार धिमालको बिराट नर्सिङहोममा उपचार भईरहेको जिल्ला प्रहरी कार्यालय सुनसरीले जनाएको छ । दुर्घटना भएका दुबै सवारी साधन र स १ झ २६८ नम्बरका गाडी चालकलाई प्रहरीले नियन्त्रणमा लिएको छ ।
