विराटनगर, फागुन २०
सामाजिक सञ्जालमा सकृय युवाहरुको अगुवाईमा विराटनगर महानगरका भित्रि सडकहरुको सरसफाई सुरु गरिएको छ । सामाजिक सञ्जाल फेसबुकमा सकृय भएर विभिन्न सामाजिक कार्यहरु गर्दै आएका युवाहरुको समुह दारी ग्याङको अनुवाईमा महानगरका भित्रि सडकहरुको सरसफाई सुरु गरिएको हो ।
सरसफाइ अभियानमा महानगरपालिकाका मेयर भिम पराजुली, विभिन्न युवा समूहहरूको सहभागीता छ । आइतबार १० बजेदेखि विराटनगरको व्यस्त बजार बि प्लटबाट सुरु भएको सफाइ अभियान ३ घण्टासम्म जारी थियो । सडक सफाइका क्रममा सय बढी युवा सहभागी भएका थिए ।
सरसफाई अभियानमा महानगरका नगर रक्षक, कर्मचारी, विद्यार्थी तथा युवाहरुको सहभागीतामा रहेको थियो । उक्त अभियान दैनिक सञ्चालन गरिने दारी ग्याङका संयोजक सविन घिमिरेले जानकारी दिए । सफाइ अभियानमा सहभागी महानगर प्रमुख भीम पराजुलीले युवाहरुको सक्रियतालाई नगरपालिकाले सँधै सहयोग गर्ने प्रतिवद्धता जनाए ।