आजका प्रमुख खबरहरुः
१.(नो पार्किङ लफडा)
विराटनगरको मुख्य बजारमा सडकको दुबैतर्फ सवारी पार्किङ गर्न निषेध गरेपछि व्यवसायीको विरोध / बजार भन्दा पर सवारी पार्किङ गर्दा ग्राहकहरु बजारमा नआउने ब्यापारीको चिन्ता / एकतर्फ पाकिङको माग ।
२.(ध्यानाकर्षण होस्)
राष्ट्रिय चिकित्सा शिक्षा आयोगका उपाध्यक्ष श्रीकृष्ण गिरीले अकुत सम्पत्ति कमाएको भन्दै सम्पत्ति शुद्धीकरण र अख्तियार दुरुपयोग अनुसन्धान आयोगमा उजुरी / गिरीले झुठा विवरण पेश गरी नियुक्ति लिएको आरोप ।
३.(निडर तुम्बाहाम्फे)
राजनीतिक दलहरुले सभामुखको उम्मेद्वार तय गरेर घोषणा नगरुन्जेलसम्म राजीनामा नदिने उपसभामुख तुम्बाहाम्फेको अडान /अहिले आफु कुनै राजनीतिक दलको सदस्य नभएकाले कुनैपनि दलको निर्देशन लागू नहुने दाबी ।
४.(लुक्दैन अपराध)
एक वर्षअघि सार्वजनिक बसमा अश्लील हर्कत गरेर सामाजिक सञ्जाल फेसबुकमा अपलोड गर्ने रविन रुचाल प्रहरी नियन्त्रणमा /एक वर्षदेखि फरार प्रतिवादी चितवनबाट पक्राउ ।
५.(पास्टरको पारा)
चर्चमा प्रार्थना गर्न जाने एक महिलालाई जबरजस्ती करणी गरेको अभियोगमा ललितपुरबाट पास्टर ध्रुवबाबु जोशी पक्राउ /खुट्टा काम्ने रोगबाट पीडित महिलालाई निको बनाइदिने भन्दै तीन महिनादेखि करणी गर्दै आएको आरोप ।
६.(गफै मात्र नबनोस्)
जनकपुर जयनगर रेल २ महिनाभित्रमा सञ्चालनमा आउने भौतिक पूर्वाधार तथा यातायात व्यवस्थामन्त्री बसन्तकुमार नेम्वाङको भनाई /ट्रयाक र लिक निर्माणको काम सम्पन्न भई रेल खरिदका लागि अर्डर समेत भइसकेको दाबी ।
७.(न्वारान गर्ने तयारी)
माघ ५ गतेबाट सुरु हुने प्रदेशसभाको हिउँदे अधिवेशनले प्रदेश ५ को नाम र राजधानी टुंगो लगाउने सत्तारुढ दलको दाबी /१२ जिल्लाका नागरिकको सुझावका आधारमा छलफल गरेर टुंगो लगाइने ।
८.(हाम्रो हविगत)
व्यापारघाटा कम गर्न औद्योगिक ग्रामको आवधारणा ल्याएको उद्योग वाणिज्य तथा आपूर्तिमन्त्री लेखराज भट्टको भनाई / जंगल फडानीका कारण प्रहरीले प्रयोग गर्ने लाठ्ठी समेत भारतबाट आयात गर्नुपर्ने अवस्था आएको गुनासो ।
९.(संसद भवन भत्किने)
सिंहदरबार स्थित संसद भवन भत्काएर अत्याधुनिक नयाँ भवन निर्माण गर्न संसदीय समितिको निर्देशन /भूकम्पबाट जिर्ण बनेको संसद भवन भत्काएर यसको मौलिकतालाई विग्रन नदिइ नयाँ भवन बनाउनु पर्ने ।
१०.(‘ सको बाटो देखो)
वर्षौँदेखि सञ्चालित अवैध क्रसर उद्योग बन्द गर्न निर्देशन दिने जिल्ला समन्वय समिति धनुषाको निर्णय / जिल्लाको नदीजन्य पदार्थको उत्खनन, संकलन र बिक्रीसम्बन्धी अनुगमन तथा समन्वय गर्ने निर्णय ।
११.(निशानामा एनसेल)
मोबाइल सेवाका टावरमा आक्रमण नगर्न सबै पक्षलाई नेपाल दूरसञ्चार प्राधिकरणको आग्रह / इलामको एक र काठमाडौंका दुई स्थानमा एनसेलका टावरमाथि आक्रमण ।
१२.(गरीबको दुःख)
निरन्तरको शितलहरसँगै बढेको चिसोका कारण ग्रामीण क्षेत्रका विपन्न समूदायको जनजीवन प्रभावित / गरिबीका कारण पोषिलो खाने कुराको अभाव तथा न्यानो लुगा समेत नहँुदा सप्तरीका डोम समूदायको जनजीवन कष्ठकर ।
१३.(स्ववियुको चटारो)
स्ववियु निर्वाचनको तयारी सुरू गर्न देशभरका आंगिक क्याम्पसलाई त्रिभुवन विश्वविद्यालयको निर्देशन /अध्यक्ष, सचिव र कोषाध्यक्षकालागि देशभरका एक हजार ५१ क्याम्पसमा फागुन १४ गते स्ववियु चुनाव हुने ।
१४.(रोकियो आर्मी)
अग्रता जोगाउन नसक्दा त्रिभुवन आर्मी क्लब सहिद स्मारक ए डिभिजन लिगमा संकटा क्लबसँग १–१ को बराबरीमा रोकियो /छैटौं चरणको समाप्ती हुदा आर्मी र मछिन्द्रको समान १३ अंक ।
र,
१५.(धुवाँको फन्को)
अस्ट्रेलियामा विगत पाँच महिनादेखि फैलिएको डढेलोको धुवाँ छिट्टै पृथ्वीको एक फन्को घुमेर अस्ट्रेलिया नै पुग्ने नासाको दाबी /धुवाँका कारण उत्तर अमेरिकाको आकाशको रङ परिवर्तन /न्यूजील्याण्डमा वायु प्रदुषण ।
