१४ माघ, उदयपुर ।
उदयपुरबाट नियन्त्रित लागुऔषध सहित ४ जना पक्राउ परेका छन् ।
प्रहरी चौकी लालपत्ताबाट खटिएको प्रहरी टोलीले नियन्त्रित लागुऔषध सहित ४ जनालाई नियन्त्रणमा लिएको हो ।
नियमित चेकजाँचमा खटिएको प्रहरी टोलीले लाहानबाट गाईघाट तर्फ जाँदै गरेको ना ५ ख ८४७९ नम्बरको बसमा सवार रहेकात्रियुगानगरपलिका १६ का २२ बर्षीय सन्तोष परियार र मोरङ हसन्दहका २३ बर्षीय पुष्प राजतिम्सिनालाई ३४ ट्याब्लेट नाईट्रोजेपाम सहितपक्राउ गरेको हो ।
यसैगरी लाहानबाट गाईघाट तर्फ जाँदै गरेको ना १ ज ७३४३ नम्बरको बसमा सवार रहेका सप्तरीको खडक नगरपालिका ५ का २२ बर्षीय सुन्दर मण्डल र १५ बर्षीय मोहम्बदफिरोजलाई १८७ ट्याब्लेट लागुऔषध सहित पक्राउ गरेको छ । पक्राउ परेका ४ जनाको सम्बन्धमा थप अनुसन्धानभईरहेको जिल्लाप्रहरी कार्यालय उदयपुरले जनाएको छ ।
