१४ माघ, काठमाडौं ।
प्रमुख प्रतिपक्षी दल नेपाली कांग्रेसका सभापति शेरबहादुर देउवाले नवनिर्वाचित सभामुखलाई सफल कार्यकालको शुभकामना दिदै आफ्नो तर्फबाट पूर्ण सहयोग रहने प्रतिवद्धता जनाएका छन् ।
प्रतिनिधिसभाको मंगलबारको बैठकमा नवनिर्वाचित सभामुख अग्नि प्रसाद सापकोटालाई सफलताको शुभकामना दिदै विपक्षी दललाई सधै विश्वासमा लिएर अघि बढ्न आग्रह गरे । विपक्षी दललाई विश्वासमा लिएर काम गर्न सकेमा मात्रै सिंगो संसदले सफलता प्राप्त गर्ने भन्दै उनले त्यस तर्फ गम्भीर हुन सभामुखको ध्यानाकर्षण गराए ।
उनले संविधानको मर्म प्रतिकुल हुने विधेयकहरुलाई सदनबाट पास गराउन नहुने तर्फ पनि सभामुखको ध्यानाकर्षण गराए । उनले कोरोना भाईरस जोखिमको न्यूनिकरणमा विशेष पहल गर्न पनि सरकारको ध्यानाकर्षण गराए । प्रधानमन्त्रीले आफ्नो सम्बोधनका क्रममा उल्लेख गरेको केही प्राकृतिक धक्काका बारेमा उनले प्रश्न गरेका छन ।
“प्रधानमन्त्रीले धक्काको कुरा गर्नुभएको छ । के धक्का हो यो ? कहाँबाट आउने हो धक्का । कसले धक्का दिने भएको छ ? कसले धक्का दिन सक्छ हामी पनि हेरुम । धक्का कसले दिदै छ प्रधानमन्त्री बोल्नुभएको छैन ।”उनले अमेरिकी सरकारको ठूलो सहयोग रहेकाले एमसीसी अनुमोदन गर्नुपर्नेमा जोड दिए ।
