८ फागुन, काठमाडौँ ।
प्रधानमन्त्री केपी शर्मा ओलीले सूचना तथा संचार प्रविधि मन्त्रीबाट गोकुलप्रसाद बाँस्कोटाले दिएको राजीनामा स्वीकृत गरेका छन् । बिहीबार दिउँसो राजीनामा दिएका बाँस्कोटाको राजीनामा स्वीकृत भएको राष्ट्रपतिको कार्यालयले जानकारी दिएको छ।
सूचना तथा संचार प्रविधि मन्त्रालय र सहरी विकास मन्त्रालय सम्हालेका बाँस्कोटाले राजीनामा दिएपछि खाली भएका मन्त्रालयको जिम्मेवारी अर्थमन्त्री युवराज खतिवडा र यातायातमन्त्री वसन्तकुमार नेम्वाङलाई दिइएको छ ।
सूचना तथा संचार प्रविधि मन्त्रालयको जिम्मेवारी खतिवडालाई र सहरी विकास मन्त्रालयको जिम्मेवारी वसन्तकुमार नेम्वाङलाई दिईएको राष्ट्रपतिको कार्यालयले जानकारी दिएको छ।
सेक्युरिटी प्रेस खरिदबाट आउने कमिसनमा बार्गेनिङ गरिरहेको अडियो सार्वजनिक भएपछि मन्त्री बाँस्कोटाले राजीनामा दिएका थिए।
