८ चैत्र, मोरङ ।
मोरङ बुढिगंगाको मुडेरी स्थित बुढि खोलामा अवैध उत्खनन्मा सम्लग्न सवारी साधन अनुगमन टोलीले नियन्त्रणमा लिएको छ ।
बुढीगंगा गाउपालिका अध्यक्ष उपाअध्यक्ष तथा इलाका प्रहरी कार्यालय नेमुवाबाट गएको संयुक्त अनुगमन टोलीले अनुगमन गर्ने क्रममा नदी जन्य पदार्थ अवैध उत्खनन गरिरहेका २ वटा टिपर, २ वटा टयाक्टर र एउटा जेसिबी नियन्त्रणमा लिएको हो ।
अनुगमन टोलीले को १ ख ४६८८ टिपर, को १ ख ४४७३ टिपर,को २ त ४५९५ ट्याक्टर र को १ क २२३५ जेसिबी नियन्त्रणमा लिएको हो ।
अबैध रुपमा माटो खन्दै गरेको अवस्थामा फेला पारी उक्त सवारी साधनहरुलाई नियन्त्रणमा लिएको र आबश्यक कारबाहीको लागी बुढीगंगा गाउँपालिकाको कार्यालयमा पठाइएको इलाका प्रहरी कार्यालय नेमुवाले जनाएको छ।
