झापा, चैत १६
झापापाको मेचीनगर–३ तिम्सिनेबासी वर्षौदेखि शव जलाउने घाटको पानी खान बाध्य भएपनि अहिलेसम्म कसैको ध्यान जान सकेको छैन । मेचीनगर नगरपालिका क्षेत्र भित्र पर्ने सो गाउँमा खानेपानीको संकट बर्षौंदेखीको हो ।
वि.सं. २०२१ सालमा सो गाउँमा बस्ती बसेपनि हाल सम्म पनि शुद्ध खानेपानीको व्यवस्था हुन सकेको छैन । दुई दर्जन घरपरिवार बसोवास गर्दै आएको सो गाउँका बासिन्दा अहिले पनि निन्दा खोलाको घाट आसपासबाट पानी ल्याएर खाने गरेका छन् ।
नगरपालिका क्षेत्रमा पर्ने भएपनि हाल सम्म सो क्षेत्रको खानेपानीको समस्यामा कुनै सुनुवाई नभएको स्थानियको गुनासो रहेको छ । मेचीनगरको सोही वडाका भावना चौक, पहलेधाप, डाडाँगाउँमा समेत खानेपानीको समस्या छ । ती सबै क्षेत्रहरुमा खानेपानी पु¥याउन पहल भइरहेको मेचीनगर–३ का वडाध्यक्ष हर्क बस्नेतले बताए ।
