१५ वैशाख, काठमाडौं ।
हिमालय एयरलाइन्सले चीनको ग्वान्झाउबाट कोभिड–१९ को उपचारका लागि आवश्यक स्वास्थ्य सामग्री लिएर फर्किएको छ ।
विश्वभर फैलिएको कोरोना भाइरस प्रकोप नियन्त्रणका लागि नेपाल सरकारले मेडिकल सामग्री आयातमा बढावा दिएको छ । हिमालय एयरलाइन्सको ए ३२०–२१४, ९ एन एएलडब्ल्यू हिजो चीनको ग्वान्झाउ चार्टर्ड उडार गरे आज बिहान फर्किएको हो ।
उक्त कार्गो विमानले मेडिकल उपकरण, टेस्टिङ किट, व्यक्तिगत सुरक्षा उपकरण (पीपीई), मास्क, पञ्जालगायत अन्य औषधिजन्य सामग्री ल्याएको छ । एयरलाइन्सले पहिलोपटक मेडिकल सामग्री ल्याउन पाएको कम्पनीका उपाध्यक्ष विजय श्रेष्ठले बताए ।
