१८ बैशाख, नवलपरासी ।
लकडाउनको समयमा पनि नवलपरासीमा घरेलु मदिराको अवैध उतपादन र तस्करी बढेको पाइएको छ ।
लकडाउनको मौका छोपेर स्थानीय तस्करहरुले घरेलु मदिरा र कम्पनी उत्पादनका मदिरा छिमेकी राष्ट्र भारत तर्फ अवैधरूपमा लैजादै गरेको अवस्थामा प्रहरीले नेपाल भारतको विभिन्न सिमानाका बाट मदिरा बरामद गरेको ईलाका प्रहरी कार्यालय बेलाटारीले जनाएको छ ।
प्रहरीको गस्ती टोलीले जिल्लाको प्रताप पुर गाउँपालिका वडा नं.७ जगरनाथपुरमा राती अज्ञात ब्यक्तिहरुले लैजाँदै गरेको २ सय लिटर घरेलु मदिरा, ५ कार्टुन फायर,स्टार नामक रक्सी र भारतवाट नेपालतर्फ ल्याउदै गरेको २० केजी सुर्ती समेत प्रक्राउ गरेको जनाइएको छ ।
करिब ५० हजार बराबरको मदिरा बरामद गरि महेशपुर भन्सार कार्यालय नवलपरासीलाई बुझाएको ईलाका प्रहरी कार्यालय बेलाटारीका प्रहरी निरीक्षक खुमानन्द पाण्डेले जानकारी दिए । नेपाल भारतको सिमामा बाक्लो रूपमा सुरक्षाकर्मी परिचालन हुँदा पनि तस्करहरुले एक किसिमको सुरक्षाकर्मीहरुलाई चुनौती दिइरहेका छन् ।
रातीको ,दिउँसो र बिहानको समयमा मौका छोपी मदिरा,खाद्यान्न सामग्री,किराना पसलका सामग्री र लागु औषध जस्ता सामानहरु नेपाल भारतको नाका पार गरि तस्करी हुने गरेको सिमाका स्थानीयबासीहरुले गुनासो गरेका छन् ।
