१८ जेठ, विराटनगर ।
लामो समयदेखि जारी रहेको लकडाउनका कारण बन्द रहेका विद्यालयहरुले पछिल्लो समय अनलाइन मार्फत पठनपाठन अघि बढाएका छन् । विराटनगरस्थित दिल्ली पब्लिक स्कुलले पनि अब नयाँ शैक्षिक सत्रका लागि अनलाइन माध्यामबाट विद्यार्थीहरुलाई अध्ययन गराउन सुरु गरेको छ ।
विगत १२ वर्ष देखि गुणस्तरीय शिक्षा दिँदै आएको सो विद्यालयले अनलाइन कक्षा संचालनका लागि विद्यार्थीको शैक्षिक कार्यक्रमलाई निरन्तरता दिन सम्पूणर् शिक्षकका घरमा इन्टरनेट जडान गर्नुका साथै ल्यापटपको पनि व्यवस्था गरेको विद्यालयले जनाएको छ । अब हरेक विषयको अध्ययन समय तालिका अनुसार शिक्षकहरुले स्कुलकै प्रारुपमा घरबाटै अनलाइन कक्षा पढाउने छन् ।
कोरोना महामारीको यस अवस्थामा पनि विद्यार्थीहरुको शैक्षिक गुणस्तर सुधार गर्न आवश्यक प्रविधिको प्रयोग गर्दै डि.पि.एस ले अब अनलाइन सेवा दिने दिल्लीपब्लिक स्कुलका एकेडेमिक प्रमुख सुशान्त बानियाँले बताए । विद्यालयले गत वर्षको माघ महिनामा नै निट कोलकत्ता नामक संस्थासंग सफ्टवयेर विकास गरी प्रयोग गर्ने सम्झौता गरेको उनले बताए । सो संस्थाको प्राक्टिस पल्स सफ्टवयेरको प्रयोगबाट सजिलै घरबाट विद्यार्थीको सिकाईलाई मुल्याङ्कन गर्न सकिने बाँनियाले बताए ।
यस्तै शारिरीक कक्षा तर्पm विद्यार्थीहरुले घरै बसी अनलाइन प्लेटफर्म एल एम एस अर्थात लभ माई स्कुल नामक सफ्टवयेर, स्मार्ट बोर्ड विथ कन्टेनट पनि जडान गरिसकेको बानियाँले बताए। स्कुलले यस वर्ष नै लाइभ क्लास र फिल्म मेकिङको लागि आफ्नै भवनमा स्टुडियो पनि निर्माण गरिसकेको छ । बानियाँका अनुसार स्कुलले आकाश, किड्लेश, निको फाइनान्स, प्रभु बैक र ईस्ट्रन इन्जिनियरिङ कलेज लगायतसँग तालिमका लागि सम्झौता गरेको छ । दिल्ली पब्लिक स्कुल प्रदेश एककै एक नमुना विद्यालयको रुपमा परिचित छ ।
