आजका प्रमुख खबरहरुः
१.(नबढ्नु थियो बढे)
स्याङजाका ५८ वर्षीय एक पुरुषको कोरोनाका कारण निधन भएसंगै मृतकको संख्या १४ पुग्यो /पछिल्लो २४ घन्टामा थप ३१४ जना गरी नेपालमा कुल ३ हजार ७ सय ६२ जना कोरोना संक्रमित /४ सय ८८ जना निको भए ।
२.(लाखको परीक्षण)
हालसम्म १ लाख ९ सय ७२ पीसीआर परीक्षण/१ लाख ५६ हजार ९ सय ९१ वटा आरडिटी परीक्षण /देशभर १ लाख ६६ हजार ६ सय ६८ जना क्वारेन्टाइनमा /३ हजार २ सय ६० जना आइसोलेसनमा ।
३.(लकडाउन टु फ्रिटाउन)
कोरोना भाइरस रोकथाम तथा नियन्त्रणका लागि सरकारले जारी गरेको लकडाउनको ७७ दिन पूरा /सरकारले लकडाउनलाई खुकुलो बनाउने नयाँ मोडालिटी तयार पार्न नसक्दा सबैमा लकडाउनको अन्यौलता ।
४.(घटना नदोहोरियोस्)
कामबाट निकालिएको भन्दै आफ्नै शरीरमा पेट्रोल छर्केर आगो लगाएका अछामका बयालपाटा अस्पतालका सरसफाई कर्मचारी सिद्धार्थ आउजीको उपचारको क्रममा मृत्यु/ महामारीकै समयमा परिवारको रोजीरोटी चल्ने माध्यम नै बन्द भएपछि न्यूनस्तरका कर्मचारी तनावमा ।
५.(नेविसंघको मसला)
पश्चिम रुकुमको चौरजहारी घटनाको छानविनका लागि संसदीय समिति गठनमा ढिलाई भएको भन्दै नेपाल विद्यार्थी संघको विरोध प्रदर्शन /राज्य पक्षबाट पीडकहरुलाई संरक्षण गर्ने प्रवृति देखिएकाले उक्त परिस्थितिलाई रोक्न दवाव दिनुपरेको उल्लेख ।
६.(मन्त्रीको मन्तब्य)
सुकुम्बासी आयोग मार्फत भूमि सम्बन्धी सबै समस्याको समाधान गरिने भूमि व्यवस्थामन्त्री पद्मा अर्यालको भनाई / नक्सा प्रकाशन सहित भूमि फिर्ताका सम्बन्धमा दुई देशबीचको वार्ता र कुटनीतिक पहलबाट समाधान हुनेमा सरकार प्रतिवद्ध र विश्वस्त रहेको उल्लेख ।
७.(कडै आयो चुनोती)
भष्ट्राचार गरेको आरोप प्रमाणित गर्न श्रम मन्त्री रामेश्वर राय यादवको चुनौति /आफ्नो राजनीतिक जीवनमा कुनैपनि बेला भष्ट्राचारमा संलग्न भएको प्रमाणित गर्न सके राजनीतिक सन्यास लिने घोषणा ।
८.(सत्य वचन)
महिला भएकै कारण प्रतिनिधित्व बढाउनु भन्दा क्षमताको आधारमा मात्रै महिलाको सहभागिता बढाउनुपर्ने कानुनमन्त्री शिवमाया तुम्बाहाङ्फेको भनाई/ सत्यनिरुपण तथा मेलमिलाप तथा द्वन्द्वकालीन मुद्दा समाधानका लागि बजेटको अभाव नभएको उल्लेख ।
९.(मेलम्चीको प्यास)
आगामी आर्थिक वर्षदेखि मेलम्चीको बारेमा प्रश्न उठाउने अवस्थाको अन्त्य हुने खानेपानी मन्त्री बिना मगरको भनाई /आगामी आर्थिक वर्ष उपत्यकाको खानेपानी लिमिटेडको क्षेत्रभित्र मेलम्चीको पानी वितरण गरिने दाबी ।
१०.(हिमालीलाई उपेक्षा)
कर्णाली प्रदेश लगायतका उच्च हिमाली क्षेत्रमा शहरी विकासका कार्यक्रम र बजेट न्यून भएको भौतिक पूर्वाधारमन्त्री बसन्तकुमार नेम्वाङद्वारा स्वीकार/सन्तुलित शहरी विकास र बसाईसराईलाई व्यवस्थितगर्न २७ स्थानमा नयाँशहर आयोजना अघि बढेको उल्लेख ।
११.(हट्छ त विभेद ?)
समाजमा रहेका सबै किसिमका हिंसा अन्त्यका लागि सरकार प्रयासरत रहेको महिला बालबालिका तथा जेष्ठ नागरिक मन्त्री पार्वत गुरुङको भनाई /समाजमा हुने विभेदहरुको अन्त्य गर्न र मर्यादित नेपाल निर्माण गर्ने विषय बजेटमा समेटिएको उल्लेख ।
१२.(लेनदेनका कुरा)
१७ करोड प्रकरणमा आफूलाई जोडेको भन्दै सो अभिव्यक्तिलाई प्रमाणित गर्न खेलकूदमन्त्री जगतबहादुर सुनारको चुनौती / विना प्रसंगका विषय जोडेर मन्त्रीलाई विवादमा तान्न खोज्नु उचित नहुने टिप्पणी ।
१३.(कछुवा गतिको उद्धार)
कोरोना भाइरसको महामारीका कारण विदेशमा अलपत्र परेका नेपालीहरु अझै कम्तिमा एक हप्ता नेपाल फर्किन नपाउने /सम्बन्धित देशमा रहेका नेपाली दूतावाससँग समन्वय गरी नाम संकलनको काम भइरहेको उल्लेख ।
१४.(गुड्छ त रेल ?)
मेची महाकाली विद्युतीय रेलमार्गअन्तर्गत काँकडभिट्टा–इनरुवा खण्डको १ सय ६ किलोमिटर लामो रेलमार्गका लागि जग्गा अधिग्रहण प्रक्रिया सुरु /रेलमार्गका लागि झापा, मोरङ र सुनसरीमा करिव ६ सय ७३ बिघा १८ कठ्ठा जमिन अधिग्रहण गरिने ।
र,
१५.( विश्वमा आज)
कोरोना भाइरस महामारीका कारण हालसम्म विश्वभर ४ लाख ६ हजार बढीको मृत्यु / ७१ लाख १० हजार बढी संक्रमित /३४ लाख ६९ हजार बढी निको भएर घर फर्किए ।
