३२ जेष्ठ, एजेन्सी । कोपा इटालियाको उपाधिका लागि युभेन्टस र नेपोली भिड्ने पक्का भएको छ ।
दोस्रो सेमिफाइनल खेलबाट नेपोली फाइनलमा प्रवेश गरेसँगै उपाधिका लागि युभेन्टससँगको भेट पक्का गरेको हो ।
सेमिफाइनल अन्तर्गत गएराति भएको दोस्रो लेगमा नेपोली र इन्टर मिलानले १–१ को बराबरी खेलेसँगै नेपोली समग्रहमा २–१ को जित सहित कोपा इटालियाको फाइनलमा प्रवेश गरेको हो ।
यसअघि नै युभेन्टसले एसी मिलानलाई पराजित गर्दै फाइनलमा स्थान बनाई सकेको छ ।
गएराति नै भएको दोस्रो लेगमा मिलानसँग गोलरहित बराबरी खेले पनि युभेन्टस अवे गोलको आधारमा फाइनलमा पुगेको थियो । अब उपाधिका लागि युभेन्टस र नेपोलिबिचको खेल १७ जुनमा हुने छ ।
