२९ असार, झापा । झापा कचनकवल गाउँपालिका-३ बस्ने ३५ बर्षीय किलु टुडुलाई खोलाले बगाउँदा उनको मृत्यु भएको छ ।
आज मध्यान्ह १२ बजे घर नजिकै रहेको खहरे खोला छेउमा हिँडिरहेका टुडु एक्कासी लडेर खोलामा पर्दा सोही खोलाले बगाएर २०० मिटर तल खोलाको साईटमा उनको शव फेला परेको भनि स्थानीयले प्रहरी चौकी पथरीयामा जानकारी गराएका हुन् ।
घटनाको जानकारी पाउनसाथ प्रहरी टोली खटि गई कानुनी कारबाही भईरहेको जिल्ला प्रहरी कार्यालय झापाले जनाएको छ ।
