१७ साउन, वीरगञ्ज ।
वीरगन्जको नारायणी वयोधा अस्पतालमा शुक्रबार मृत्यु भएकी महिलामा कोरोना संक्रमण पुष्टि भएको छ । अस्पतालमा मृत्यु भएकी वीरगञ्ज–१६ नगवाकी ५० वर्षीया ती महिलामा कोरोना संक्रमण पुष्टि भएको हो । यससँगै पछिल्लो १० दिनमा कोरोना संक्रमणका कारण पर्सामा मृतकको संख्या १० पुगेको छ ।
बयोधा अस्पतालमा साउन १४ गते बुधबार भर्ना भएकी उनको शुक्रबार स्वाबको नमुना संकलन गरी पीसीआर परीक्षणका लागि नारायणी अस्पतालको पीसीआर ल्याबमा पठाइएको थियो । उनको सोही दिन बिहान बिहान १० बजे मृत्यु भएको थियो ।
शुक्रबार राति पोजेटिभ रिपोर्ट आएको नारायणी अस्पतालका मेडिकल सुपरिटेन्डेन्ट डाक्टर मदनकुमार उपाध्यायले जानकारी दिए ।नारायणी अस्पतालका डा निरज सिंहका अनुसार सुगरबाट ग्रसित महिलामा निमोनिया र हाईपर टेनसन समेत रहेको थियो ।
