२९ साउन, काठमाडौं ।
परियोजना सेवाहरूको लागि संयुक्त राष्ट्र संघ कार्यालय (UNOPS) ले नेपाल प्रहरीलाई करिब ७० लाख रुपैयाँमूल्य बराबरका विभिन्न स्वास्थ्य सामग्री हस्तान्तरण गरेको छ ।
उक्त सामग्री ग्ल्इएक्को काठमाडौस्थित कार्यालयमा बिहीबार आयोजित एक कार्यक्रमबीच (UNOPS) नेपालका कन्ट्री डाइरेक्टर चार्लेसले नेपाल प्रहरीका केन्द्रीय प्रहरी प्रवक्ता प्रहरी वरिष्ठ उपरीक्षक कुँवेर कडायतलाई हस्तान्तरण गरेका हुन् ।
हस्तान्तरण गरिएका स्वास्थ्य सामग्रीहरुमा ५ सय थान मेडिकल पीपीई सेट, ५ सय थान फेस सिल्ड, ५ सय थान क्याप, ५ सय थान सु–कभर, ५ सय थान सर्जिकल ग्लोभ्स, ५० हजार थान सर्जिकल मास्क, ५० हजार थान नन–सर्जिकल रबर ग्लोभ्स, १६ लिटरको ५ सय थान डिसइनफेक्टेन्ट स्प्रे, १ हजार २ सय लिटर डिसइनफेक्टेन्ट लिक्विड र ५ सय थान थर्मोमिटर गन रहेका छन् ।
सो अवसरमा प्रहरी वरिष्ठ उपरीक्षक कडायतले (UNOPS) ले गरेको सहयोग र समन्वयप्रति आभार प्रकट गर्दै आगामी दिनमा नेपाल प्रहरी र (UNOPS) बीचको सम्बन्ध थप मजबुत हुने विश्वास व्यक्त गरेका छन् ।
कन्ट्री डाइरेक्टर चार्लेसले नेपाल प्रहरीसँगको सम्बन्धलाई थप मजबुत बनाउँदै सहकार्य र समन्वयलाई निरन्तरता दिइने बताएका छन् । नेपाल प्रहरीलाई आवश्यक साथ र सहयोग प्रदान गर्नका लागि आफू सदैव तत्पर रहेको उनले बताए ।
