३० साउन, काठमाडौं । आरबी लाइप्जिग पहिलो पटक च्याम्पियन्स लिग फुटबलको सेमिफाइनलमा पुगेको छ । गएराति भएको खेलमा एथ्लेटिको म्याड्रिडलाई २-१ ले हराउँदै लाइप्जिग अन्तिम चारमा पुगेको हो ।
लाइप्जिगका ड्यानियल ओल्मो र टेलर अदाम्स्ले एकरएक गोल गरे । एट्लेटिको मड्रिडका जोआओ फेलिक्सले खेलको ७१ औं मिनेटमा पाएको पेनाल्टीलाई गोलमा परिणत गरे ।
एट्लेटिकोका फेलिक्सले खेल बराबरीमा ल्याए पनि खेल सकिन दुई मिनेट बाँकी छँदा अदाम्स्ले गोल गर्दै लाइप्जिगलाई जित दिलाएका हुन् ।
अब लाइप्जिगले पहिलो सेमिफाइनलमा भदौ २ गते पेरिस सेन्ट जर्मेन पीएसजीसँग खेल्नेछ । पीएसजीले हिजो एटलान्टालाई २(१ ले हराएर सेमिफाइनल यात्रा तय गरेको हो ।
