८ भदौ, काठमाडौँ ।
देशभरी बाढी पहिरोको उच्च जोखिममा रहेका बस्तीहरुको स्थानान्तरण गर्ने सम्बन्धमा सरोकारवालाबीच छलफल भएको छ । देशका विभिन्न ठाउँमा बाढीपहिरोले ठूलो जनधनको क्षति भएपछि उच्च जोखिममा रहेका बस्तीहरुको स्थानान्तरण गर्ने सम्बन्धमा सरोकारवालाबीच छलफल भएको हो ।
देशभरी जोखिम रहेका बस्तीहरुलाई पहिचान गरी स्थानान्तरण गर्न कुनै कानूनी अड्चन भए कानून निर्माण गर्ने विषयमा छलफल भएको पूर्व कानूनमन्त्री शेरबहादुर तामाङले बताए । छलफलमा प्रतिनिधिसभाका सभामुख अग्निप्रसाद सापकोटाले जग्गा सट्टापट्टा गर्ने सम्बन्धमा संसदको आगामी बैठकबाट नै कानून निर्माणको प्रकृया अगाडी बढाउने बताएको तामाङले बताए । कृषि र आर्थिक रुपमा बाँच्ने आधार निर्माण गरी बस्ती स्थानान्तरण गर्ने र पुरानो बस्ती भएको बन क्षेत्र घोषणा गरी कानून निर्माण गर्ने सम्बन्धमा छलफल भएको उनले बताए ।
छलफलमा सिन्धुपाल्चोक जिल्लामा जोखिममा रहेका बस्तीहरुलाई अल्पकालिन रुपमा सुरक्षीत स्थानमा सार्न राष्ट्रिय पुनर्निर्माण प्राधिकरण मार्फत काम अघि बढाउने विषयमा पनि छलफल भएको छ । छलफलमा सहभामुख अग्नि प्रसाद सापकोटा, गृहमन्त्री रामबहादुर थापा, अर्थमन्त्री डा. युवराज खतिवडा, भौतिक पूर्वाधार तथा यातायातमन्त्री बसन्त बहादुर नेम्वाङ र बागमती प्रदेशमा मुख्यमन्त्री डोरमणी पौडेल लगायतको सहभागिता रहेको थियो ।
