विराटनगर ः जलविद्युत आयोजनाहरु निर्माणको चरणबारे बुझ्नका लागि मन्त्री पुन रसुवामा पुगेका छन् ।
हिजो रसुवा पुगेर उर्जा, जलस्रोत तथा सिचाई मन्त्री वर्षमान पुनले रसुवामा रहेका जलविद्युत आयोजनाहरुको निरीक्षण गरेका छन् ।
मन्त्री पुनले आज रसुवागढी जलविद्युत १११ मेघावाट परियोजनाको निरीक्षण गरेका छन् ।
उनले आजै साञ्जेन जलविद्युत आयोजनाको समेत निरीक्षण गर्ने छन् ।
मन्त्री पुनले हिजो नै त्रिशुली ए, माथिल्लो त्रिशुली थ्री ए, माथिल्लो त्रिशुली थ्री बी र माथिल्लो त्रिशुली–१ को निरीक्षण गरेका थिए ।
आयोजनाको निरीक्षणको क्रममा मन्त्री पुनले निर्माण कार्य तिब्र गतिमा व्यवस्थित ढंगले अघि बढाउन निर्देशन दिएका छन् ।
परियोजना तोकेकै समयमा सक्न समेत निर्देशन दिँदै पुनले सरकारको तर्फबाट गर्नुपर्ने सहयोगबारे चिन्ता नलिन आग्रह गरे ।
यसैबीच, शनिवार बिहान रसुवागढी नाकाको पनि उनले निरीक्षण गरेका छन् ।
