१२ भदौ, विराटनगर । नेपाल राउण्ड टेबल अन्र्तगत रहेको विराटनगर राउन्ड टेबल १५ ले कोशी अस्पतालको कोभिड १९ उपचार केन्द्रलाई ५ थान हट वाटर डिस्पेन्सर सहयोग गरेको छ ।
शुक्रबार विराटनगर राउन्ड टेबल १५ का अध्यक्ष कपिल अग्रवालको अध्यक्षतामा कोशी कोभिड १९ उपचार केन्द्रलाई सो सामग्री सहयोग गरेको हो । उपचार केन्द्रका आइसोलेसन वार्डमा भर्ना भएका संक्रमितहरुका लागि आवश्यक पर्ने तातो पानीको सहज उपलब्धताका लागि हट वाटर डिस्पेन्सर सहयोग गरेको हो ।
विराटनगर राउन्ड टेबल–१५ ले आज हट वाटर डिस्पेन्सर कोशी अस्पतालका मेडिकल सुपरिटेन्डेन्ट चुमनलाल दासलाई हस्तान्तरण गरेको हो । उक्त सामग्री हस्तान्तरण पश्चात विराटनगर राउन्ड टेबल–१५ का कार्यक्रम संयोजक विकास अग्रवालले विरामीहरुलाई यसले धेरै नभएपनि केही हदसम्म राहत हुने बताएका छन् ।
मेसु दासले विराटनगर राउन्ड टेबल १५ लाई धन्यवाद ज्ञापन गर्दै सो सहयोग सामग्रीले केन्द्रलाई राहत मिलेको बताए ।
विगत लामो समयदेखि विराटनगर राउन्ड टेबल–१५ ले सामाजिक उत्तरदायित्व अन्र्तगत यस्ता विभिन्न कार्यक्रमहरु गर्दै आएको छ ।
