२९ भदौ, विराटनगर ।
विराटनगर महानगरपालिकाका प्रमुख प्रशासकीय अधिकृत र नगर प्रहरीमा कोरोना देखिएपछि महानगरका सबै सेवा बन्द गरिएको छ । प्रमुख प्रशासकीय अधिृकत इन्द्रमणी पोखरेललाई कोरोना पुष्टि भएपछि जोखिम बढेको भन्दै सोमवारदेखि असोज २ गतेसम्म महानगर बन्द गरिएको हो ।
महानगरपालिकाका जनप्रतिनिधि र कर्मचारीमा कोरोना संक्रमण पुष्टि भएसँगै जोखिम बढेकोले अत्यावश्यक बाहेकका सबै सेवा बन्द गरिएको महानगरले जनाएको छ । यसअघि महानगरका २ वडा अध्यक्षलाई कोरोना देखिएको थियो ।
अहिले महानगरका सबै कर्मचारी होम आईसोलेसनमा बसेको जनाईएको छ । सो अवधिमा स्वास्थ्य, सफाई र बारुणयन्त्र जस्ता अत्यावश्यक सेवा मात्र खुल्नेछन् ।
