११ आश्विन, एजेन्सी ।
कोरोना सङ्क्रमणका कारण विश्वभर ज्यान गुमाउनेको सङ्ख्या झण्डै १० लाख पुगेको छ ।
अहिलेसम्म ३ करोड ३० लाख ५८ हजारमा कोरोना सङ्क्रमण पुष्टि भएकोमा ९ लाख ९८ हजार ७४५को ज्यान गएको वल्ड्रोमिटरले जनाएको छ । २ करोड ४४ लाख ९ हजार भने निको भएका छन् । वल्ड्रोमिटरका अनुसार ७६ लाख ४८ हजार सक्रिय सङ्क्रमितमध्ये ६५ हजारको अवस्था जटिल रहेको र बाँकी ७५ लाख ८३ हजारको अवस्था सामान्य छ ।
गएको २४ घण्टामा विश्वभर २ लाख ९४ हजारमा कोरोना पुष्टि भएको छ भने ५ हजार ३ सय जनाको ज्यान गएको छ । अहिलेसम्म सबैभन्दा धेरै अमेरिकामा ७२ लाख ८७ हजारमा कोरोना पुष्टि हुँदा २ लाख ९ हजारको ज्यान गएको छ । यस्तै ५९ लाख ९० हजारमा कोरोना पोजेटिभ देखिएको भारतमा साढे ९४ हजारको ज्यान गएको छ ।
यसैगरी ब्राजिलमा ४७ लाख १८ हजारमा कोरोना पुष्टि हुँदा १ लाख ४१ हजारको ज्यान गैसकेको वल्ड्रोमिटरले जनाएको छ ।
