आजका प्रमुख खबरहरुः
१.(कोरोनाको कहर)
नेपालमा कोरोना संक्रमणबाट मृत्यु हुनेको संख्या १ हजार ५२ पुग्यो /आज मात्र ३ हजार ५१ संक्रमित थपिँदा आजै ३ हजार ४ सय ३० जना डिस्चार्ज /सक्रिय संक्रमितको संख्या ३६ हजार ५ सय १४ पुग्यो ।
२.(भेट्यो सरकारले)
कोरोना संक्रमण परीक्षण र उपचार निःशुल्क गर्ने आदेश पुनरावलोकन गर्न सरकारले दिएको निवेदन सर्वोच्चद्वारा खारेज /निःशुल्क गर्न दिएको आदेश कार्यान्वयन नगर्नुको कारण माग/ अब सरकारले कोरोना परीक्षण र उपचार निःशुल्क गर्नैपर्ने ।
३.(कुरो अझै मिलेन)
नेकपाका अध्यक्ष एंव प्रधानमन्त्री केपी शर्मा ओली र अर्का अध्यक्ष पुष्पकमल दाहालबीच बिहीबार दिउँसो बालुवाटारमा भएको छलफल बिनानिष्कर्ष टुंगियो/पार्टीको पछिल्लो विवादबारे छलफल गर्न पार्टी बैठक बोलाउनु पर्ने दाहालको माग ।
४.(कांग्रेस पनि उस्तै)
पदाधिकारी र पूर्वपदाधिकारीहरू छलफलमा बसे पनि नेपाली कांग्रेसभित्र देखिएको विवाद ठोस सहमतिमा पुगेन /देउवाले अनौपचारिक बैठकलाई शुक्रबार पनि निरन्तरता दिने /केन्द्रीय समिति बैठक कात्तिक २४ गतेसम्मका लागि स्थगित ।
५.(गोविन्द गर्जिए)
राजनीतिक दलका शीर्ष नेताहरुले माफियासँग मिलेर शिक्षा र स्वास्थ्य क्षेत्रमा व्यापार गरिरहेको डा. गोविन्द केसीको आरोप/आफुसँग भएका सम्झौताहरु कार्यान्वयनमा सरकार उदासिन देखिएको भन्दै निरन्तर खवरदारीको आवश्यकता रहेको उल्लेख ।
६.(सेनाध्यक्षको सम्मान)
नेपाल भ्रमणमा रहेका भारतीय स्थलसेनाध्यक्ष जनरल मनोजमुकुन्द नरवणे र प्रधानसेनापति पूर्णचन्द्र थापाबीच भेटवार्ता / नरवणेद्वारा नेपाली सेनाको मानार्थ महारथी ग्रहण/भारतद्वारा विभिन्न स्वास्थ्य सामग्री हस्तान्तरण ।
७.(छुटेनन् हत्यारा !)
लेनदेनको विषयमा विवाद हुँदा रौतहटमा पुजारीको हत्या गर्ने प्रतिवादीहरू पुर्पक्षका लागि कारागार चलान /पुजारी हत्यामा राम नरेश पटेल, जयनारायण र बालकुमार भन्ने जयनारायण राउत पटेललाई थुनामा पठाउन जिल्ला अदालतको आदेश ।
८.(किन रोकिए भारतीय ?)
नेपालमै व्यापार व्यवसाय भएका भारतीय नागरिकहरुलाई नेपाल प्रवेश गर्न दिन भारतीय पक्षको अनुरोध / भारतमा नेपालीको आगमनमाथि प्रतिबन्ध नलगाइएको भन्दै आफ्ना नागरिकलाई पनि प्रवेशमा रोक नलगाउन नेपाललाई पत्राचार ।
९.(उखुको आँशु)
रौतहटको श्रीराम सुगर मिल्सले उखु किसानलाई नदिएको रकम एक महिना भित्र भुक्तानी हुनेगरी समन्वय गर्न उद्योग मन्त्रालयलाई संसदीय समितिको निर्देशन /श्रीराम सुगर मिल्सबाट किसानहरुले करिब ४१ करोड रुपैयाँ पाउन बाँकी ।
१०.(मन्त्रीको जो मर्जी)
देशमा लगानी भित्रिदैन भन्ने डरले चिनी मिल्सहरुलाई कारबाही नगरिएको उद्योगमन्त्री लेखराज भट्टको भनाई /किसान तथा श्रमिकलाई भुक्तानी नदिने उद्योगीहरुलाई अहिलेको अवस्थामा हतोत्साही गर्ने गरी कारबाही गर्न नहुने उल्लेख ।
११.(देहरादूनको पीडा)
दशैं टीकाका दिन भारतको देहरादूनमा निर्घात कुटिएका मध्ये ३९ विद्यार्थी काठमाडौं आइपुगे /दशैंका बेला भएको उक्त घटनाले आफूहरुलाई दुःखी बनाएको भन्दै फेरी भारत नपठाउने अभिभावकहरुको प्रतिक्रिया ।
१२.(सहज बन्दै साउदी )
साउदी अरेबियामा विदेशी श्रमिकहरुलाई अब रोजगारदाता परिवर्तन गर्न र स्वदेश फर्कन रोजगारदाताको अनुमति नचाहिने / सन् २०२१ को मार्च १४ देखि लागू हुने कानुनपछि स्वदेश फर्कंदा विद्युतीय माध्यममार्फत रोजगारदातालाई जानकारी भने गराउनु पर्ने ।
१३.(मैत्रीपूर्ण फुटबल)
गोलकिपर किरण चेम्जोङको कप्तानीमा नेपाली फुटबल टोली मैत्रीपूर्ण खेलका लागि बंगलादेश प्रस्थान /नेपाली टोलीले बंगलादेशको एक साता बसाईमा घरेलु टोलीसँग दुई मैत्रीपूर्ण खेल खेलेर फर्किने ।
१४.(इतिहास बनाउँदै बाइडेन)
डेमोक्रेटिक उम्मेदवार जो बाइडेनद्वारा अमेरिकी राष्ट्रपति निर्वाचनकै इतिहासमा सबैभन्दा बढी लोकप्रिय मत प्राप्त/धाँधली भएको भन्दै मतगणना स्थगित गर्न माग गर्दै ट्रम्पको निर्वाचन अभियानद्वारा उजुरी /बाइडेन २६४ इलेक्टोलर मतका साथ अगाडि रहँदा ट्रम्पलाई २१४ मत ।
र,
१५.(कहरको कीर्तिमान)
हालसम्म कोरोनाबाट १२ लाख ३२ हजार बढी संक्रमितको मृत्यु /४ करोड ८५ लाख बढीमा संक्रमण पुष्टि हुँदा ३ करोड ४७ लाख बढी संक्रमण मुक्त /अमेरिकामा एकैदिन अहिलेसम्मकै धेरै एक लाख बढीमा सङ्क्रमण ।
