२० कात्तिक, काठमाडौँ ।
नेपाली कांग्रेसका नेता मोहनप्रसाद पाण्डे प्रतिनिधिसभा सदस्य (सांसद) बन्ने भएका छन् । प्रतिनिधिसभा सदस्य सूर्यबहादुर केसीको निधन भएपछि रिक्त रहेका पदमा स्याङ्जाका पाण्डे सांसद बन्ने भएका हुन् ।
समानुपातिकतर्फको खसआर्य क्लस्टरबाट सांसद भएका केसीको निधन भएपछि पाण्डे सांसद बन्ने भएका हुन् । पाण्डेलाई केसीको ठाउँमा सांसद बनाइने कांग्रेस केन्द्रीय कार्यालय सचिव कृष्ण पौडेलले जानकारी दिए ।
उद्योगीसमेत रहेका सांसद तथा कांग्रेसका आमन्त्रित केन्द्रीय सदस्य केसीको सोमबार राति पोखरामा निधन भएको थियो । मधुमेह र उच्च रक्तचापको समस्या रहेका केसीको मुस्ताङचोकस्थित घरमै ६३ वर्षको उमेरमा निधन भएको थियो ।
