२० मंसिर, एजेन्सी ।
अमेरिकी राष्ट्रपति डोनाल्ड ट्रम्पले सोमलियाबाट अमेरिकी सेना फिर्ता बोलाउन आदेश दिएका छन्।
अमेरिकी रक्षा मन्त्रालयका अनुसार उनले जनवरीको १५ सम्ममा सेना फिर्ता बोलाउन लगाएका हुन्। सोमालियामा अमेरिकाका करिव ७ सय सैनिक छन्। उनीहरू अल–शबाब र इस्लामिक स्टेट जस्ता कथित चरमपन्थी संगठनहरूको लडाइमा स्थानीय सुरक्षाबलको साथ दिइरहेका छन्।
अमेरिकी अधिकारीहरूका अनुसार विशेषगरी सीमा सुरक्षका लागि अमेरिकी सैनिक छिमेकी राष्ट्रहरूमा पठाइन्छ।
ट्रम्पले इराक र अफगानस्तानबाट पनि अमेरिकी सैनिक फिर्ता बोलाउने आदेश जारी गरिरहेका छन्।
