२१ मंसिर, विराटनगर ।
भारतिय बजार जोगबनीबाट अवैधरुपमा भन्सार छलि ल्याएका लत्ताकपडा, भान्छाका सामाग्री तथा खाद्य सामाग्रीहरु बरामद गरिएको छ ।
विराटनगर महानगरपालिका–१६ दरैया नहरबाट अवैध रुपमा भन्सार छलि ल्याएका उक्त सामानहरु बरामद गरिएको प्रहरीले मोरंग प्रहरीले जनाएको छ ।
बिशेष सुराकका आधारमा जिल्ला प्रहरी कार्यालय मोरङबाट खटिएको प्रहरी गस्ती टोलीले शनिवार बेलुका साढे ६ बजे करिव ९५ हजार २ सय ५० रुपैया बराबरको विभिन्न ब्राण्डका लत्ताकपडा तथा अन्य सामानहरु बरामद गरेको हो।
बरामद गरिएको सामानहरु भन्सार कार्यालय रानीमा बुझाउने तर्फ आवश्यक कारबाही भईरहेको जिल्ला प्रहरी कार्यालय मोरङले जनाएको छ ।
