२२ मंसिर, कपिलवस्तु । कपिलवस्तुस्थित कृष्णनगर नगरपालिका वडा नं २ महेन्द्र पार्क नजिक बाट ६० हजार बराबरको भन्सार छलि गरि ल्याउदै गरेको समान प्रहरीले बरामद गरेको छ ।
इलाका प्रहरी कृष्णनगर मताहतमा रहेको अस्थायी प्रहरी पोष्ट सुरक्षा जांच चौकीको प्रहरी टोलीले उक्त अबैध समान बरामद गरेको हो ।
बरामद गरिएका रिमोटद्वारा चल्ने खेलौना र अन्य सामानहरुको अनुमानित बजार मूल्य ५९ हजार १ सय ५० रहेको प्रहरीले जनाएको छ।
बरामद सामान आवश्यक कार्यवाहीका लागि भन्सार कार्यालय कृष्णनगर पठाइएको प्रहरीले जनाएको छ । प्रहरीलाई देख्नसाथ सामान ल्याउदै गरेका मानिस भने समान छोडेर भारत तर्फ भागेका थिए ।
