२८ मंसिर, एजेन्सी । स्पेनिस लिग फुटबलमा साविक विजेता रियल म्याड्रिडले एथ्लेटिको म्याड्रिडलाई हराएको छ ।
रियल म्याड्रिडको मैदानमा गएराति भएको म्याड्रिड डर्बीमा लिग लिडर एथ्लेटिको २–० ले पराजित भयो । खेलमा रियलका कासेमिरोले एक गोल गर्दा एथ्लेटिकोका गोलरक्षक यान ओब्लाकले एक आत्माघाति गोल गरे ।
जितसँगै ला लिगा अंक तालिकाको तेस्रो स्थानमा रहेको रियाल म्याड्रिडले शिर्ष स्थानको एथ्लेटिकोसँगको दुरी ३ अंकमा सिमित गरेको छ ।
ला लिगाकै अन्य खेलहरुमा सेभिल्लाले गेटाफेलाई १–० ले हराउँदा हुएस्काले अलाभेजमाथि १–० कै जित निकालेको छ ।
यसैगरी भ्यालेन्सिया र एथ्लेटिक बिल्बाओले २–२ गोलको बराबरी खेलेका छन् ।
