४ पुस, कपिलवस्तु ।
कपिलवस्तु जिल्लाको विजयनगर गाउँपालिकामा अजिङगरको बच्चा भेटिएको छ ।
गाउँपालिकाको वडा नम्बर ७ स्थित त्रिनेत्र निम्न माध्यमिक विद्यालय सोनवरसाको कम्पाउण्डमा शुक्रबार उक्त अजिङगर सर्पको बच्चा भेटिएको हो । बिहान ११ बजे फेला परेको अजिङ्गर सर्पको बच्चा अनुमानित ५ फिट लामो रहेको बताइएको छ ।
सर्पलाई वन कर्मचारीहरुको टोलीद्वारा उद्दार गरि गौतम बुद्ध साझेदारी वन व्यवस्थापन समितिको वन क्षेत्र, चिरइ खोला, कोही नाहव खोला र अर्रा खोला भित्र पर्ने जवाबैराठको वन क्षेत्रको उपयुक्त वासस्थानमा लगेर छाडिएको छ ।
सर्पलाई वडा नम्बर १ का वडाध्यक्ष इन्नर चौधरी, गुगौली सव डिभिजन वन कार्यालयका सहायक वन अधिकृत संजयकुमार मिश्र, शसस्त्र वन रक्षक रुमलाल पाख्रेल, स्थानीय पत्रकार लगायत स्थानीयको रोहबरमा वनमा छाडिएको हो ।
