२५ पुस, दोलखा ।
दोलखाको प्रसिद्ध कालिञ्चोक मन्दिरमा दर्शन गर्न जाने क्रममा एक युवतीको मृत्यु भएको छ ।
मकवानपुर जिल्लाको फापरबारीकी ३३ वर्षीया सम्झना रोक्काको मृत्यु भएको जिल्ला प्रहरी कार्यालय दोलखाका प्रहरी निरीक्षक अन्जन कोईरालाले बताए ।
मन्दिर जाने क्रममा कुरी बजारमा पुगेपछि बिरामी परेकी रोक्का स्थानीय संगीता होटलमा आरामका लागि बसेकी थिइन् । होटलमा एक्कासी बेहोश भएपछि सदरमुकाम चरिकोटमा उपचारको लागि पठाइएकोमा उपचारको क्रममा उनको मृत्यु भएको प्रहरीले जनाएको छ ।
