२२ माघ, काठमाडौं ।
नेकपा स्थायी किमिटी सदस्य अष्टलक्ष्मी शाक्यलगायतका नेताहरूलाई कलंकीबाट प्रहरीले पक्राउ गरेकाे छ। प्रचण्ड नेपाल समूहको नेकपाले आह्वान गरेको आम हड्तालका लागि सडकमा उत्रिएका शाक्यसहित केही नेताहरुलाई प्रहरीले पक्राउ गरेकाे हो।
आम हड्तालकाे पक्षमा सडकमा आएकाे भन्दै प्रहरीले उनीहरुलाई बिहानै गिरफ्तार गरेकाे नेता विष्णु रिजालले बताए।नेता रिजाले ट्विटरमा लेखेका छन्, ‘आज बिहानै निरंकुश सरकारले नेकपा स्थायी कमिटी सदस्य अष्टलक्ष्मी शाक्यलगायतका नेताहरूलाई कलंकीबाट गिरफ्तार गरेको छ । ’
बिहानैदेखि प्रहरी र सशस्त्र प्रहरीले काठमाडौं उपत्यका विभिन्न स्थानबाट हड्ताल गर्न निस्किएका कार्यकर्तालाई नियन्त्रणमा लिइरहेको छ ।
उज्यालो नहुँदै सामाखसुसीबाट केही युवा पक्राउ गरेको प्रहरीले कलंकीबाट पनि आधा दर्जन नेता तथा कार्यकर्तालाई नियन्त्रणमा लिएको छ ।
