२२ चैत, एजेन्सी । मध्य पूर्वी राज्य जोर्डनको राजघरानाभित्र लामो समयदेखि चल्दै आएको द्वन्द सार्वजनिक भएको छ ।
जोर्डन नरेश अब्दुल्लाह दोश्राका सौतेनी भाई तथा पुर्व युवराज हम्जा बिन हुसेनले जोर्डन दसवारले आफुलाई घरमै नजरबन्द गरेको आरोप लगाएका छन् ।
हुसेनले वीवीसीलाई उपलब्ध गराएको पाँच मिनेट लामो भिडियोमा जोर्डन नरेश अब्दुल्लाहमाथी देशमा भ्रष्टाचारलाई बढावा दिएको देशका नागरिकले शासनबाट उत्पीडित हुनु परेको उल्लेख गरेका छन् ।
अन्तराष्ट्रिय सञ्चारमाध्यमहरुका अनुसार यतिबेला जोर्डन सरकारले शाही परिवार र सरकारका विरुद्ध आवाज उठाएको भन्दै झण्डै १९ जनालाई गिरफ्तार गरिएको छ । सँगै पुर्व युबराज हम्जा बिन हुसेनमाथी सत्ता पल्टाउने षडयन्त्रमा संलग्न रहेको आरोप लगाइएको छ ।
जोर्डन सरकारले हुसेनलाई आफ्ना निकट पारिवारिक सदस्यसँग भेटघाट बाहेक बाहिर हिंडडुलमै प्रतिबन्ध लगाइएको छ । अब्दुल्लाह सरकारले आफ्नो घरमा रहेको सेटेलाईट फोन सेवा समेत अबरुध्द गरिदिएको हुसेनले बताएका छन् ।
आफ्ना नीजि कानुन ब्यवसायीको सहयोगमा हुसेनले जारी गरेको पाँच मिनेट लामो भिडियोमा, आज बिहान जोर्डनका सशस्त्र सुरक्षा बलका प्रमुखले आफुलाई भेटेरै आफु स्वतन्त्र रुपले बाहिर निस्कन नपाउने र कुनै बाहिरी ब्यक्तिसँग भेटघाट गर्न नपाउने सुचना दिएको उल्लेख गरेका छन् ।
हालै युबराज हुसेनले राजधानी शहर अम्मान नजिकको एक जनजाती बस्तीका नेतासँगको भेटपछि जनजाती समुहको समर्थनमा आफु उभिने बताए लगत्तै जोर्डन सरकारले हुसेनमाथी निगरानी राख्ने नियतले यो आदेश जारी गरेको बताइएको छ ।
यता हुसेनले भने आफुले जनजाती नेतालाई भेटेर गरेको घोषणा गलत नभएको बताएका छन् । प्रिन्स हुसेनले आफुलाई नजरबन्द गरिएको समाचार सार्वजनिक गरेलगत्तै जोर्डन सेनाका प्रमुख जनरल युसेफ ह्यूनिटीले भने हुसेनको आरोपको खण्डन गर्दै उनलाई गिरफ्तार वा अन्उ कुनै प्रकारका प्रतिबन्भ नलगाएको दाबी गरेका छन् ।
सेना प्रमुख ह्युनिटीले युबराजलाई उनका गतिविधि रोक्नका लागि अनुरोध गरिएको बताउँदै, युवराज हुसेनका गतिविधी जोर्डनको सुरक्षाका लागि चुनौती थपिएकाले सरकारले सावधानी अपनाउनकै लागि उनलाई सचेतसम्म गराएको दावी गरेको स्थानीय एक समाचारले आफ्नो समाचरमा उल्लेख गरेको छ ।
युवराज हुसेन जोर्डनका पुर्व राजा हुसेन की दोश्री पत्नी रानी नुरका जेठा छोरा हुन । सन् १९९९ मा हम्जालाई जोर्डनको युबराज घोषणा गरिएको थियो ।
राजा हुसेनको मृत्यु पछि अब्दुल्लाह जोर्डनका राजा भए लगत्तै सन २००४ मा हम्जाको युबराजको पदवी खोसिएको थियो । त्यस यता जोर्डन शाही परिवारभित्र द्वन्द चर्किंदै आएको छ ।
