विराटनगर,असार ३
नेपाली राष्ट्रिय क्रिकेट टिमका कप्तान पारस खड्काले विराटनगरका युवाहरुसंग आफ्नो क्रिकेट जीवनको संघर्ष ,उपलब्धि र उदेश्यहरु बारे छलफल गरेका छन् ।
लियो क्लब अफ विराटनगर युनिकद्धारा आज विराटनगरमा आयोजित लिडरशिप कार्यक्रममा कप्तान खड्काले आफ्नो खेल जीवनबारे कुरा गर्दै आफु सन्तुष्ट भए त्यसैलाई सफलता ठान्न आग्रह गरे ।
खड्काले पहिले आफु त्रिकेटको सिनियर टिममा बोलाउँदा नगएको स्मरण गर्दै अहिले देशमा क्रिकेटको माहोल बन्दै गएको बताए । अहिले देश एकदिवशिय राष्ट्र सम्म ल्याईपु¥याउनु आफ्नो मात्र नभएर पुरा टिमको मेहनत भएको उनको भनाई थियो ।
क्रिकेटर सन्दिप लामिछानेको तारिफ गर्दै कप्तान खड्काले नेपालमा पनि क्रिकेटको भबिष्य छ भन्ने सन्दिपले प्रमाणित गरेको बताए ।
खड्काले खेलाडीहरुले लामो समयसम्म तलब नपाउँदा पनि देशका लागि लागी परेको उदाहरण दिँदै देशका लागि केही गर्न कैरियर मात्र खोज्न हुँदैन भने ।घरेलु प्रतियोगितामा विराटनगरबाट खेल्दा केही सम्बन्ध भए जस्तो लाग्ने गरेको उनको भनाई थियो ।
कार्यक्रममा नेपाल भारत सँग नजिक भए पनि किन क्रिकेटमा नजिक हुन नसकेको भन्ने सहभागिहरुले सोधेको प्रश्नको उत्तर दिँदै खड्काले त्यो आफुलाई पनि दुख लाग्दो भएको बताउँदै निकट भबिष्य मै भारतीय क्रिकेट बोर्ड सँग सहकार्य गरेर अघि बढ्ने बताए ।
अफगानिस्तान र नेपाल केही बर्ष अघि एउटै तहमा भएपनि किन नेपाल अहिले अफगानिस्तान सँग नभएको भन्ने अर्को प्रश्नको जवाफमा कप्तान खड्काले अफगानिस्तानका खेलाडीहरु पाकिस्तान सँग खेलिराख्ने र सरकारले क्रिकेटमा धेरै लागानी गरेको उल्लेख गरे । उनले नेपाली क्रिकेटमा लगानी र त्रिकेट बोर्ड राम्रो हुन सके देशले टेष्ट क्रिकेट खेल्न धेरै समय नलाग्ने बताए ।
कार्यक्रमका प्रमुख अतिथि तथा विराटनगर महानगरपालिकाका मेयर भिम पराजुलीले पारसको प्रशंसा गर्दै त्रिकेटको विकासका लागि आफु सक्दो लागी पर्ने बताए । उनले महानगरमा त्रिकेट एकेडेमी निर्माणका लागि पहल गर्ने प्रतिवद्धता पनि ब्यक्त गरे ।
लियो क्लबद्धारा आयोजित उक्त कार्यक्रममा कप्तान पारस खड्का र राजनितिज्ञ हाजि अहम्मदलाई लियो युनिक लाईफ टाईम एचिभ्मेन्ट अवार्ड प्रदान गरिएको थियो । त्यस्तै राईजिङ स्टार अफ विराटनगर अवार्ड क्रिकेटर ललित राजवंशी, सिद्धान्त लोहनी र विराटनगरका मोडल साजिद आलमलाई प्रदान गरिएको थियो भने विराटनगरका उदयीमान युवाहरुलाई प्रशंसा पत्र वितरण गरिएको थियो ।
लियो क्लब अफ विराटनगर युनिकका अध्यक्ष अब्बु राईनले आफुहरुको निम्तो स्वीकारेर आउने सम्पुर्णलाई धन्यवाद ज्ञापन गरे ।
कार्यक्रममा मोटिभेटर राजेन्द्र बहादुर श्रेष्ठ,पारस लुनिया,चाँदबाबु इराकी लगायतको उपस्थित रहेको थियो ।
