१९ असार, काठमाडौं ।
नेकपा एमाले अध्यक्ष केपी शर्मा ओली र वरिष्ठ नेता माधवकुमार नेपालबीच टेलिफोन कुराकानी भएको छ। शनिबार दिउँसो ओली र नेपालबीच टेलिफोनमा कुराकानी भएको हो ।
उनीहरूबीच अहिलेको पार्टीको राजनीतिक विषयमा कुराकानी भएको स्रोतले बतायो । यसअघि बिहीबार राति पनि दुई नेताबीच छलफल भएको थियो ।
नेता नेपाल केन्द्रीय कमिटीको बैठक रोक्दै प्याकेजमा नै सहमति गर्नुपर्ने अडानमा छन् ।
ओलीले १६ असारमा दशौं राष्ट्रिय महाधिवेशन आयोजक कमिटी खारेज गरी १८ असारमा केन्द्रीय कमिटी बैठक राखेका थिए । उक्त बैठकबाट ओलीले सर्वोच्च अदालतमा दिएको रिटबाट एमाले सांसदहरुले हस्ताक्षर फिर्ता लिन सोमबार साँझसम्मको चेतावनी दिएका छन् ।
