२१ असार, काठमाडौं ।
निर्वाचन आयोगले प्रतिनिधि सभाको मध्यावधि चुनावको लागि दल दर्ता गर्न साउन १५ गतेसम्मको समय दिएको छ ।
निर्वाचन आयोगले सोमवार (आज) स्वीकृत गरेको प्रतिनिधि सभा सदस्य निर्वाचन २०७८ को निर्वाचन कार्यतालिकाअनुसार असार ३१ देखि साउन १५ गतेसम्म दल दर्ताको समय दिएको हो ।
सरकारले आउँदो कात्तिक २६ र मङ्सिर ३ गते मध्यावधि चुनाव घोषणा गरेको छ । आयोगले चुनावको कार्यतालिका पनि सार्वजनिक गरेको छ ।
