२३ असार, काठमाडौं ।
कोपा अमेरिका फुटबलको दोस्रो सेमिफाइनलमा आज बिहान अर्जेन्टिना र कोलम्बिया खेल्दैछन् । खेल बिहान पौने ७ बजेदेखि सुरु हुनेछ ।
अर्जेन्टिना र कोलम्बियाबीचको विजेताले फाइनलमा ब्राजिलसँग खेल्नेछ । आयोजक ब्राजिलले पेरुलाई १–० ले हराएर फाइनलमा प्रवेश गरिसकेको छ ।
अर्जेन्टिनाले क्वार्टर फाइनलमा इक्वेडरलाई ३–० गोलले हराएको थियो । कोलम्बियाले क्वार्टर फाइनलमा उरुग्वेलाई पेनाल्टी सुटआउटमा ४–२ गोलले हराएको थियो ।
