२७ असार, काठमाडौँ ।
कोपा अमेरिका २०२१ अन्तर्गत उपाधि भिडन्तमा ब्राजिलविरुद्ध अर्जेन्टिनाले अग्रता लिएको छ ।
माराकाना स्टेडियममा जारी खेलको पहिलो हाफमा अर्जेन्टिनाले ब्राजिलविरुद्ध १–०को अग्रता लिएको हो । अर्जेन्टिनाका लागि विंगर एन्जल डी मारियाले खेलको २२औँ मिनेटमा गोल गरेका थिए । रोड्रीगो डे पलले दिएको लामो पासलाई डी मारियाले नियन्त्रण गर्दै गोलरक्षकको माथिबाट चिप गर्दै गोल गरेका थिए ।
निकै प्रतिस्पर्धात्मक खेलको सुरुवाती समयमा ब्राजिलले केहि आक्रमण बुनेपनि गोल गर्न भने सकेको छैन ।
