८ साउना, एजेन्सी ।
कोरोनाको कारण वेस्ट इन्डिज र अष्ट्रेलियाबीच दोस्रो ओडिआई खेल स्थगित भएको छ । तीन ओडिआई सिरिज अन्तर्गत दोस्रो खेल राती १२ ः १५ देखि बार्बाडोसमा हुने तय थियो । खेलको लागि टस पनि भई सकेको थियो ।
अष्ट्रेलिया कप्तान एलेक्स केरीले टस जितेर पहिला ब्याटिङ गर्ने निर्णय लिएका थिए । तर टोलीका सदस्यमा कोरोना पोजेटिभ देखिएपछि दुबै टोलीका खेलाडी, असिफल र स्टाफ आइसोलेसनमा बसेका छन् । इनिङको पहिलो बल गर्न मात्र एक मिनेट बाँकी हुँदा कोरोना पुष्टि भएको थियो । । एक जनामा कोरोना पोजेटिभ देखिएको भनिएपनि कुन टोलीका खेलाडीमा कोरोना देखिएको भने खुलाइएको छैन । तीन ओडिआईमा अष्ट्रेलियाले १–० को अग्रता लिएको छ ।
बुधबार पहिलो ओडिआई खेलमा अष्ट्रेलियाले वेस्ट इन्डिजलाई १ सय ३३ रनको फराकिलो अन्तरले पराजित गर्दै तीन खेलको सिरिजमा १–० को अग्रता लियो । तीव्र गतिका बलर मिचेल स्टार्कको पाँच र जोश हेजलवुडको तीन विकेटको सहयोगमा २ सय ५७ रनको विजयी लक्ष्य पछ्याएको वेस्ट इन्डिज २६।२ ओभरमा १ सय २३ रनमा अल आउट हुन पुगेको थियो । पाँच टि२० आई खेलको सिरिज भने वेस्ट इन्डिजले ४–१ ले जितेको थियो ।
