९ साउन, एजेन्सी ।
टोकियो ओलम्पिक २०२० मा आयोजक जापानले जुडोमार्फत पहिलो स्वर्ण जितेको छ । जुडोका नओहिसा ताकातोले जापानका लागि यस संस्करणको पहिलो स्वर्ण जितेका हुन् । उनले ६० केजी तौल समूहमा स्वर्ण जितेका हुन् ।
ताकातोले चाइनिज ताइपेइका युङ वेइ याङलाई फाइनलमा पराजित गर्दै उपाधि जितेका हुन् । गोल्डेन स्कोरमा पुगेको फाइनलमा याङले तेस्रो शिदो पाएपछि ताकातो विजयी भएका थिए । फ्रान्सका लुका खेइद्जे र कोसोभोका येल्दोस स्मेतोभले कास्यमा चित्त बुझाए ।
यसअघि जुडो अन्तर्गत नै महिला ४८ केजी तौल समूहको फाइनलमा जापानकी फुना तोनाकी कोसोभोकी दिस्त्रिया क्रास्निकीसँग पराजित भएकी थिइन् । यस स्पर्धामा मंगोलियाकी उरान्त्सेत्सेग मुन्ख्बात र युक्रेनकी दारिया बिलोदिदले कास्य जिते । नेपालकी सोनिया भट्ट यसै स्पर्धाको पहिलो खेलमा रुसकी इरिना दोल्गोभासँग हारेकी थिन् ।
