१० साउन, विराटनगर ।
विराटनगर–५ बिद्युत अफिसस्थित सडकमा मृत भेटिएका ६७ वर्षीय सुदर्शन न्यौपानेको ट्रकको ठक्करबाट मृत्यु भएको खुलेको छ । ठक्कर दिने ट्रकका चालकलाई प्रहरीले पक्राउ गरी आइतबार सार्वजनिक गरेको छ ।
४ साउनमा बिद्युत अफिसस्थित सडकमा को.४ प २३१६ नम्बरको मोटरसाइकललाई न्यौपाने मृत फेला परेका थिए । घटनाको अनुसन्धान पश्चात प्रहरीले मोटरसाइकललाई ठक्कर दिई फरार रहेका को.१ क १३३३ नम्बरको ट्रकका चालक धरान –२० देवीगाउँ बस्ने २८ वर्षीय रामशरण राईलाई शुक्रबार प्रहरीले पक्राउ गरेको हो ।
उनी उपर थप अनुसन्धान भइरहेको जिल्ला प्रहरी कार्यालय मोरङले जनाएको छ ।
