११ साउन, इलाम ।
इलाम देउमाई नगरपालिका–२ पुङफुङ का ८५ बर्षीय टेक बहादुर मुखियाको आफ्नै छोराको कुटाईबाट मृत्यु भएको छ ।
गत साउन ७ गते आफ्नै छोरा ३४ बर्षीय गिर्जमान मुखियाले घरयासी बिबादका कारण बुबा टेक बहादुरलाई कुटपिट गरि घाईते बनाएका थिए ।
घाईतेलाई उपचारका लागि बिर्तासिटी अस्पाल विर्तामोड ल्याइएको थियो । सो अस्पतालमा उपचार हुन नसकेपछि लैजाने क्रममा आइतबार राती ९ बजे मृत्यु भएको जिल्ला प्रहरी कार्यालय इलामले जनाएको छ ।
कुटपिट गर्ने गिर्जमानलाई पक्राउ गरि अनुसन्धान तथा कानुनी कारबाही प्रकृया अगाडी बढाएको प्रहरीले जनाएको छ ।
