१३ साउन, विराटनगर ।
चाउचाउ भन्ने बित्तिकै छुट्टै विशेषता बोकेको रमपम तयारी चाउचाउको नाम जनजिव्रोमा झुण्डिएको छ । यसका पारखीहरु यसको नाम सुन्ना साथ मुख मिठ्याउन छन् । यसैले नै यो सवैको रोजाईमा पनि यो पर्ने गरेको छ । अधिकांशको नेपालीको मन जितेको ‘रमपम’ अहिले नेपालमा मात्रै होइन अमेरिका, अष्ट्रेलिया, दुबई, कतार, भारतलगायत अन्य थुप्रै देशहरुमा निर्यात हुँदै आएको छ ।
‘रमपम’ एसियन थाई फुड्स प्रालिले उत्पादन गर्दै आएको एक उत्कृष्ट उत्पादन हो । उपभोक्ताको स्वास्थ्य र गुणस्तरीयतालाई प्राथमिकता दिने यस कम्पनीले ‘रमपम’ चाउचाउ मात्र नभई विभिन्न स्न्याक्सहरु पनि उत्पादनहरु गर्दै आएको छ । सबैको मनमा बस्न सफल, स्वादिष्ट सामग्रीहरु उत्पादनहरु गर्दै आएको एसियन थाई फुड्स आज २१ वर्षमा प्रवेश गरेको छ । यो बीचका यसै कम्पनीसँग आएका कति कम्पनीहरु हराईसकेको अवस्थामा एसियन थाईफुड्सले उपभोक्ताको मन जित्दै एकछत्र प्रभाव जमाउन सफल भएको छ । यस कम्पनीले आफ्नो २१ वर्षे लामो यात्राको उत्सब मनाइ रहदा कम्पनीको मेरुदण्डका रुपमा रहेका एसियन थाई फुड्सका निर्देशक आशिष जाजुले कम्पनीलाई यहाँसम्म पुर्याउन आफुले गरेको संघर्षको कथा हामीसँग यसरी स्मरण गरे ।
मैले आफ्नो करियर २००५ मा सुरु गरेको हुँ । अध्ययन पछि के गरम भनेर सोध्दा आफ्नो बुवाले केही काम सिक भनेपछि काठमाडौँ गए अनि एसियन थाई फुड्सको मार्केटिङ्ग अनि ब्राण्डिङ्ग बारे बुझेँ,काम गरेँ । काम सिकेर बिराटनगर फर्किएँ । काठ्माडौँमा कसरी विज्ञापन बनाउने सम्बन्धि कुराहरु सिकेँ अनि आफ्नो कम्पनी एशियन थाई फुड्सको कम्पनीलाई अघि बढाएँ । त्यतिबेला म आफ्नै कम्पनीमा ब्राण्ड म्यानेजरको रुपमा काम गरिरहेको थिएँ । अनि त्यही सिकाइले बिराटनगरमा बसेर कम्पनी अनि फ्याक्ट्री हेरेँ। हरेक दिन आईपर्ने समस्या र चुनौतीबाट म अझ निखारिदै गए । यसले प्रत्यक्ष रुपमा कम्पनीलाई फाइदा पुग्दै गयो । यसरी मैले मेरो जिन्दगीको आफ्नै सिकाइको समयमा आफ्नै कम्पनीमा काम गरेर सिकेँ । आज कम्पनीले २१ औं वर्ष मनाउदै छ । सुनसरीको सोनापुरमा मुख्य कारखाना रहेको एसियन थाई फुड्सका उत्पादनहरु रमपम, रमपम १०, रमपम गुन्द्रुक,प्रिती, टु पिएम क्लासिक चिकेन,फटाफट जोकर, मामा पोटेटो जोकर,मामा चीज बल्स,चट्टर पट्टर, एनजोई लगायतका उत्पादनहरुले उपभोक्ताको मन जित्न सफल भएका छन् ।
