१४ साउन, कञ्चनपुर।
सडक निर्माणसम्बन्धीका योजना सम्पन्न नभइकन भुक्तानी गरेपछि अख्तियार दुरुपयोग अनुसन्धान आयोगले कञ्चनपुरको दोधारा चाँदनी नगरपालिकाको निर्माण कार्यसम्बन्धीका कागजपत्र नियन्त्रणमा लिएको छ ।
सडक निर्माणसम्बन्धीका योजना सम्पन्न नभइकन भुक्तानी भएको उजुरीका आधारमा आयोगले बुधवार कागजात नियन्त्रणमा लिई अनुसन्धानको कार्य भइरहेको अख्तियारको कार्यालयका सूचना अधिकारी हरिशचन्द्र जोशीले बताए ।
“आव ०७७र७८ का सडक निर्माण, कालोपत्रेलगायतका चार वटा योजनामा कार्य नगरिकनै भुक्तानी दिइएको उजुरी परेको थियो”, उनले भने, “त्यसै आधारमा सम्बन्धित योजनाका कागजपत्र नियन्त्रणमा लिएर अनुसन्धान भइरहेको छ ।” योजनामा अनियमियता नभए नभएकोबारे अनुसन्धानपछि जानकारी हुने उनले बताए ।
